ಟೈಟಾನಿಕ್ ಹಡಗಿನ ದುರಂತಕ್ಕೆ ಈಗಾಗಲೇ ನೂರು ವರ್ಷ ತುಂಬಿದೆ.
ಈ ಸಂದರ್ಭದಲ್ಲಿ ಎಲ್ಲ ಮಾಧ್ಯಮಗಳಲ್ಲೂ ಬಿತ್ತರವಾದ ವಿಸ್ತ್ರುತ ವರದಿಯನ್ನು ಜನತೆ ವೀಕ್ಷಿಸಿತು . ವರದಿ , ಫೋಟೋಗಳು , ಕಥೆ , ಹಿನ್ನೆಲೆ , ಬದುಕುಳಿದವರ ಅನುಭವ...ಅಬ್ಬಾ ! ಈ ಹಿಂದೆಯೇ ನಾನು ಈ ಹೆಸರಿನ ಸಿನೆಮಾವನ್ನು ನೋಡಿದ್ದೆ . ಆ 'ಟೈಟಾನಿಕ್ ' ಸಿನಿಮಾದಲ್ಲಂತೂ ಇಡೀ ಹಡಗಿನ ವೈಭವ , ಸಾಗರದ ಅಪಾರ ಜಲರಾಶಿಯ ಭವ್ಯತೆ ಎಲ್ಲ ಕಂಡಾಗ , ಛೇ, ಒಮ್ಮೆಯಾದರೂ ಈ ಹಡಗಿನ ಪ್ರವಾಸ ನನ್ನ ಪಾಲಿಗೆ ಸಿಕ್ಕುವುದೇ ಎಂಬ ಕನಸುಕಟ್ಟಿಕೊಂಡಿದ್ದೆ.
ಕನಸು ನನಸಾಗುವ ಕಾಲವೇನೋ ಬಂದೇಬಿಟ್ಟಿತು. ಆಗಮಾತ್ರ ಮೈಯಲ್ಲೊಂದು ತೆಳ್ಳಗಿನ ನಡುಕ ಹುಟ್ಟಿಕೊಂಡುಬಿಟ್ಟಿತು . ಸಿನಿಮಾದಲ್ಲಿ ಆ ಹಡಗು ಮುಳುಗಲಾರಂಭಿಸಿದ ದೃಶ್ಯಗಳೇ ಕೂತಲ್ಲಿ ನಿಂತಲ್ಲಿ ಕಾಡಿಸಿ , ಹೋಗಲೇ ಬೇಡವೇ ಎಂಬ ಸಂದಿಗ್ಧವೇ ಹೈರಾಣಾಗಿಸಿತು. ಹಿಂದೆಯೇ , ಛೇ, ಇದೆಂಥ ಹುಚ್ಚುಕಲ್ಪನೆ . ಅವಘಡ ಹಣೆಯಲ್ಲಿ ಬರೆದಿದ್ದರೆ ಯಾರಿಂದ ತಪ್ಪಿಸಲಾದೀತು ಎಂದು ಈ ಭ್ರಮೆಯ ಬಗ್ಗೆ ನಗುವೂ ಬಂದಿತು. ಇಂಥಾ ಅವಕಾಶ ನನ್ನದಾಗಿರುವಾಗ ಈ ಪೊಳ್ಳುಕಲ್ಪನೆಗಳಲ್ಲಿ ಹಿಂಜರಿತ ಇರಬಾರದು ಎಂದು ತಯ್ಯಾರಾದೆ. ಹೌದು , ಸುಂದರವಾದ ಹಿಮನಾಡು 'ಅಲಾಸ್ಕಾ'ಗೆ ನಾನು ಪ್ರವಾಸ ಹೊರಟೇಬಿಟ್ಟೆ. ಯಾವುದರಲ್ಲಿ ಎನ್ನುವಿರಾ... ? 'ಮುತ್ತಿನ ಸುಂದರಿ ' ಅಂದರೆ 'ನಾರ್ವೇಜಿಯನ್ ಪರ್ಲ್' ಎಂಬ ಸುಸಜ್ಜಿತ, ವೈಭವೋಪೇತವಾದ ಹಡಗಿನಲ್ಲಿ ಬರೋಬ್ಬರಿ ಎಂಟುದಿನಗಳ ಯಾನ. ಇದೊಂದು ಕೇವಲ ಹಡಗಲ್ಲ, ಇಂದ್ರನಗರಿ, ಮಾಯಾಲೋಕ. ಬನ್ನಿ, ಇದು ಹೇಗಿದೆ ಎನ್ನುವುದನ್ನು , ಇದರಲ್ಲಿ ಪಯಣಿಸಿ ಕಂಡ 'ಅಧ್ಭುತಗಳ' ಕಿರುಪರಿಚಯದ ಝಲಕ್ಕನ್ನು ನೀವೂ ನೋಡಿ .
ಈ ಸಂದರ್ಭದಲ್ಲಿ ಎಲ್ಲ ಮಾಧ್ಯಮಗಳಲ್ಲೂ ಬಿತ್ತರವಾದ ವಿಸ್ತ್ರುತ ವರದಿಯನ್ನು ಜನತೆ ವೀಕ್ಷಿಸಿತು . ವರದಿ , ಫೋಟೋಗಳು , ಕಥೆ , ಹಿನ್ನೆಲೆ , ಬದುಕುಳಿದವರ ಅನುಭವ...ಅಬ್ಬಾ ! ಈ ಹಿಂದೆಯೇ ನಾನು ಈ ಹೆಸರಿನ ಸಿನೆಮಾವನ್ನು ನೋಡಿದ್ದೆ . ಆ 'ಟೈಟಾನಿಕ್ ' ಸಿನಿಮಾದಲ್ಲಂತೂ ಇಡೀ ಹಡಗಿನ ವೈಭವ , ಸಾಗರದ ಅಪಾರ ಜಲರಾಶಿಯ ಭವ್ಯತೆ ಎಲ್ಲ ಕಂಡಾಗ , ಛೇ, ಒಮ್ಮೆಯಾದರೂ ಈ ಹಡಗಿನ ಪ್ರವಾಸ ನನ್ನ ಪಾಲಿಗೆ ಸಿಕ್ಕುವುದೇ ಎಂಬ ಕನಸುಕಟ್ಟಿಕೊಂಡಿದ್ದೆ.
ಕನಸು ನನಸಾಗುವ ಕಾಲವೇನೋ ಬಂದೇಬಿಟ್ಟಿತು. ಆಗಮಾತ್ರ ಮೈಯಲ್ಲೊಂದು ತೆಳ್ಳಗಿನ ನಡುಕ ಹುಟ್ಟಿಕೊಂಡುಬಿಟ್ಟಿತು . ಸಿನಿಮಾದಲ್ಲಿ ಆ ಹಡಗು ಮುಳುಗಲಾರಂಭಿಸಿದ ದೃಶ್ಯಗಳೇ ಕೂತಲ್ಲಿ ನಿಂತಲ್ಲಿ ಕಾಡಿಸಿ , ಹೋಗಲೇ ಬೇಡವೇ ಎಂಬ ಸಂದಿಗ್ಧವೇ ಹೈರಾಣಾಗಿಸಿತು. ಹಿಂದೆಯೇ , ಛೇ, ಇದೆಂಥ ಹುಚ್ಚುಕಲ್ಪನೆ . ಅವಘಡ ಹಣೆಯಲ್ಲಿ ಬರೆದಿದ್ದರೆ ಯಾರಿಂದ ತಪ್ಪಿಸಲಾದೀತು ಎಂದು ಈ ಭ್ರಮೆಯ ಬಗ್ಗೆ ನಗುವೂ ಬಂದಿತು. ಇಂಥಾ ಅವಕಾಶ ನನ್ನದಾಗಿರುವಾಗ ಈ ಪೊಳ್ಳುಕಲ್ಪನೆಗಳಲ್ಲಿ ಹಿಂಜರಿತ ಇರಬಾರದು ಎಂದು ತಯ್ಯಾರಾದೆ. ಹೌದು , ಸುಂದರವಾದ ಹಿಮನಾಡು 'ಅಲಾಸ್ಕಾ'ಗೆ ನಾನು ಪ್ರವಾಸ ಹೊರಟೇಬಿಟ್ಟೆ. ಯಾವುದರಲ್ಲಿ ಎನ್ನುವಿರಾ... ? 'ಮುತ್ತಿನ ಸುಂದರಿ ' ಅಂದರೆ 'ನಾರ್ವೇಜಿಯನ್ ಪರ್ಲ್' ಎಂಬ ಸುಸಜ್ಜಿತ, ವೈಭವೋಪೇತವಾದ ಹಡಗಿನಲ್ಲಿ ಬರೋಬ್ಬರಿ ಎಂಟುದಿನಗಳ ಯಾನ. ಇದೊಂದು ಕೇವಲ ಹಡಗಲ್ಲ, ಇಂದ್ರನಗರಿ, ಮಾಯಾಲೋಕ. ಬನ್ನಿ, ಇದು ಹೇಗಿದೆ ಎನ್ನುವುದನ್ನು , ಇದರಲ್ಲಿ ಪಯಣಿಸಿ ಕಂಡ 'ಅಧ್ಭುತಗಳ' ಕಿರುಪರಿಚಯದ ಝಲಕ್ಕನ್ನು ನೀವೂ ನೋಡಿ .
ನಾರ್ವೇಜಿಯನ್ ಪರ್ಲ್.....
ನಾರ್ವೇಒಡೆತನದ, ಈ ಹೆಸರುಹೊತ್ತ ವೈಭವೋಪೇತವಾದ , ಸುಸಜ್ಜಿತ ಹಡಗಿನ ರಚನೆ 2005ರಲ್ಲಿ ಪ್ರಾರಂಭವಾಗಿ ,ಮೊದಲಬಾರಿಗೆ 2006ರಲ್ಲಿ ಕಾರ್ಯ ಆರಂಭಿಸಿತು . ಈ ಹಡಗಿನ ಉದ್ದ 965 ಅಡಿ, ಅಗಲ 125 ಅಡಿ . ಇಲ್ಲಿರುವ ಡೆಕ್ಕುಗಳು ( ಅಂತಸ್ತು ) ಹದಿನೈದು . ಇದು 3000 ಮಂದಿ ಪ್ರವಾಸಿಗರು , 1100ರಷ್ಟು ಸಿಬ್ಬಂದಿವರ್ಗದವರನ್ನು ತನ್ನೊಳಗಿಟ್ಟುಕೊಂಡು ಪಯಣ ಪ್ರಾರಂಭಿಸುತ್ತದೆ . ಈ ಹಡಗಿನ ತೂಕ 93,502 ಟನ್ ಕೆ.ಜಿ. ಹಡಗುಗಳ ನಿಲ್ದಾಣವನ್ನು ಪೋರ್ಟ್ ಎಂದೂ, ಒಂದೊಂದೇ ಹಡಗುನಿಲ್ಲುವ ಪ್ರತ್ಯೇಕ ಸ್ಥಳವನ್ನು ಪಿಯರ್ ಎಂದೂ ಕರೆಯುತ್ತಾರೆ .
ಈ ಹಡಗುಗಳ ಪ್ರವೇಶವೂ ವಿಮಾನಪ್ರಯಾಣದಷ್ಟೇ ದೀರ್ಘ ನಿಯಮಗಳನ್ನು ಹೊಂದಿರುತ್ತದೆ . ಪೋರ್ಟ್ಗೆ ಬಂದಮೇಲೆ ನಾವು ನಮ್ಮ ಗುಂಪಿನ ಮ್ಯಾನೇಜರ್ ಜೊತೆ, ನಮ್ಮ ಲಗೇಜ್ಗಳಿಗೆ, ಅಲ್ಲಿ ಕೊಡುವ ಟ್ಯಾಗ್ಗಳನ್ನು ಹಾಕಿ ಅಲ್ಲಿಯ ಸಿಬ್ಬಂದಿಗೆ ಕೊಟ್ಟರೆ ಮುಗಿಯಿತು. ನಾವು ಫ್ರೀ . ಮುಂದೆ ಅವು ಸೇಫ್ ಆಗಿ ನಮಗೆ ಅಲಾಟ್ ಆಗಿರುವ ರೂಮಿಗೆ ನಾಲ್ಕೈದು ಗಂಟೆಯೊಳಗೆ ತಲುಪುತ್ತದೆ . ಈಗ ನಾವು ಉದ್ದುದ್ದದ ಎಸ್ಕಲೇಟರ್ಗಳನ್ನು ಕ್ಯೂನಲ್ಲಿ ಏರಿ ಪಾಸ್ಪೋರ್ಟ ತಪಾಸಣೆಗೆ ನಿಲ್ಲಬೇಕು . ಚೆಕ್ಇನ್ ಕಟ್ಟಳೆ ಮುಗಿದಮೇಲೆ ಪಾಸ್ಪೋರ್ಟ ಅವರ ಬಳಿಯಲ್ಲೇ ಇಟ್ಟುಕೊಂಡು ನಮಗೆ 'ನೇಮ್ಕಾರ್ಡ್' ಎಂಬ ಬೇರೊಂದು ಕಾರ್ಡ್ ಕೊಡುತ್ತಾರೆ . ಇದು ಬಹಳಮುಖ್ಯ ,ಕಳೆಯುವಂತಿಲ್ಲ . ಕಾರಣ , ಇದು ಐಡೆಂಟಿಟಿ ಕಾರ್ಡ್ , ರೂಮ್ ಕೀ ಕೂಡ ಆಗಿರುತ್ತದೆ . ಬೇರೆಬೇರೆ ಊರುಗಳಿಗೆ ನಮ್ಮ ಕರೆದೊಯ್ಯುವ ಹಡಗು ಪೋರ್ಟೊಂದರಲ್ಲಿ ಬೆಳಿಗ್ಗೆ ನಿಂತಾಗ , ಆ ಊರುನೋಡಲು ಹಡಗಿನಿಂದ
ಹೊರಬರಲು ಈ ಕಾರ್ಡ್ ಮೆಷಿನ್ನಿನಲ್ಲಿ ತೂರಿಸಿ ಅದು ಯಸ್ ಎಂದು ತೋರಿಸಿದಮೇಲೇ ಹೊರಬಿಡುತ್ತಾರೆ , ಹಾಗೇ ಒಳಗೆ ಬರುವಾಗ ಕೂಡ . ಇನ್ನು ಹಡಗಿನೊಳಗೆ ಯಾವುದೇ 'ಕ್ಯಾಶ್' ವ್ಯವಹಾರವಿಲ್ಲ . ಹಾಗಾಗಿ ಇಲ್ಲಿಯೇ ನಮಗೆ ಬೇಕೆನಿಸಿದಷ್ಟು ಹಣಕಟ್ಟಿ 'ಕ್ರೆಡಿಟ್ಕಾರ್ಡ್' ಕೊಳ್ಳಬೇಕು . ಒಳಗೆ ಏನೇ ಕೊಂಡರೂ ಈ ಕಾರ್ಡಿನಲ್ಲೇ ವ್ಯವಹರಿಸಬೇಕು . ಬೇರೆಬೇರೆ ಊರುಗಳಿಗೆ ನಮ್ಮ ಕರೆದೊಯ್ಯುವ ಹಡಗು ಪೋರ್ಟೊಂದರಲ್ಲಿ ಬೆಳಿಗ್ಗೆ ಆರೇಳು ಗಂಟೆಗೆ ಬಂದುನಿಂತಮೇಲೆ ನಾವು ನಮ್ಮ ಬೆಳಗಿನ 'ತರಹೇವಾರಿ ತಿಂಡಿ'ಗಳ ಔತಣಮುಗಿಸಿ , ಆ ಊರನ್ನು ನೋಡಲು ಹೊರಬರುತ್ತೇವೆ . ಎಲ್ಲೆಲ್ಲಿ ಬೇಕೋ ಅಲ್ಲೆಲ್ಲ ಸುತ್ತಾಡಿ ಸಂಜೆ ಐದುಗಂಟೆಯ ಒಳಗೆ ಹಡಗನ್ನೇರಬೇಕು . ಮತ್ತೆ ಆರುಗಂಟೆಯೋ ಅಥವಾ ಕೊಂಚ ಆಕಡೆ ಈಕಡೆಗೋ ಇದು ತನ್ನ ಮುಂದಿನ ಗುರಿಯತ್ತ ಪಯಣ ಪ್ರಾರಂಭಿಸುತ್ತದೆ .
ಇಲ್ಲಿ ಏನಿದೆ ಏನಿಲ್ಲ ಎಂದು ಕೇಳಿದರೆ 'ಇಲ್ಲ' ಎನ್ನುವುದು ಮಾತ್ರ ಇಲ್ಲವೇಇಲ್ಲ . ಸಾವಿರಾರು ರೂಮುಗಳು, ಅತಿ ವಿಶಾಲವಾದ ರಿಸೆಪ್ಷನ್ ಡೆಸ್ಕ್, ಲಾಂಜ್ ಬಾರ್, ಹನ್ನೆರಡು ರೆಸ್ಟೊರಾಂಟ್ಗಳು , ಹದಿನಾಲ್ಕು ಬಾರ್ಗಳು , ಬಾಸ್ಕೆಟ್ ಬಾಲ್-ವಾಲಿಬಾಲ್- ರಾಕ್ ಕ್ಲೈಂಬಿಂಗ್ ಆಟಗಳ ಕೋರ್ಟುಗಳು, ಫಿಟ್ನೆಸ್ಸೆಂಟರ್ , ಜಾಗಿಂಗ್ ಟ್ರಾಕ್ , ಮಕ್ಕಳಿಗೆ,ದೊಡ್ಡವರಿಗೆ ಪ್ರತ್ಯೇಕ ಸ್ವಿಮ್ಮಿಂಗ್ ಪೂಲ್ , ಬ್ಯೂಟಿಪಾರ್ಲರ್ , ಯೋಗ , ಏರೋಬಿಕ್ಸ್ , ಕ್ಯಾಸಿನೊ , ಟೀನ್ ಸೆಂಟರ್, ಕಿಡ್ ಸೆಂಟರ್ , ಸುಸಜ್ಜಿತ ಲೈಬ್ರರಿ , ಬೌಲಿಂಗ್ ಕ್ಲಬ್ , ಥಿಯೇಟರ್ ಗಳು ಅಬ್ಬಬ್ಬಾ! ಹೇಳಹೊರಟರೆ ಮುಗಿಯುವುದೇ ಇಲ್ಲ ಪಟ್ಟಿ .
ಇಲ್ಲಿ ನಾವು ಉಳಿದುಕೊಳ್ಳುವ ರೂಮುಗಳಂತೂ ಸಖತ್ ಮಜವಾಗಿರುವುದು . ಕಾಸಿಗೆ ತಕ್ಕಂತೆ ಗಾರ್ಡನ್ವಿಲಾ , ಡೀಲಕ್ಸ್ ಸೂಟ್ , ಓಷನ್ ವ್ಯೂ , ಬಾಲ್ಕನಿಸೂಟ್ , ಸ್ಟೇಟ್ ರೂಮ್ ಹೀಗೆ ವೈವಿಧ್ಯದ ರೂಮುಗಳು ಲಭ್ಯವಿವೆ . ಹೆಚ್ಚುದರದ ರೂಮುಗಳು ವಿಶಾಲವಾಗಿದ್ದು ಬಾಲ್ಕನಿ ಅಥವಾ ಗಾಜಿನ ಕಿಟಿಕಿ ಇದ್ದು ಹೊರಗಿನ ಸಾಗರಸಂಭ್ರಮವನ್ನು ರೂಮಿನಲ್ಲಿ ಕುಳಿತು, ಮಲಗಿಯೂ ಎಂಜಾಯ್ ಮಾಡಬಹುದು . ಆದರೆ ಕಡಿಮೆದರದ ರೂಮುಗಳಿಗೆ ಈ ಸೌಲಭ್ಯವಿಲ್ಲ . ಈ ರೂಮುಗಳು ಎಂಟಡಿ ಅಗಲ ಹನ್ನೆರಡು ಅಡಿ ಉದ್ದವಿದ್ದು ಎರಡುಮಂಚ , ಬಟ್ಟೆಯಿಡುವ ಕಬೋರ್ಡ , ಪುಟ್ಟದಾದ ಬಾತ್ರೂಮು -ಟಾಯ್ಲೆಟ್ ಹೊಂದಿರುತ್ತದೆ. ಇಲ್ಲಿ ಕಿಟಿಕಿ ಇರುವುದಿಲ್ಲ . ಹೊರಗಿನ ಪ್ರಪಂಚದಿಂದ ಪೂರ್ತಿಬೇರೆಯಾದಂತೆ, ಒಂದುರೀತಿ ತಾಯಗರ್ಭದಲ್ಲಿ ಕುಳಿತ ಮಗುವಿನ ಸ್ಥಿತಿಯಂತೆ ಎನ್ನಬಹುದು . ಲೈಟು ಹಚ್ಚಿದರೆ ಮಾತ್ರ ಬೆಳಕು . ಆದರೆ ಇಷ್ಟು ಪುಟ್ಟರೂಮಿನಲ್ಲೂ ಎಲ್ಲ ಸೌಕರ್ಯವೂ ಲಭ್ಯ. ಇವು ಚಕ್ರವ್ಯೂಹದಂತೆ ರಚಿತವಾಗಿರುತ್ತವೆ . ಒಳಗೊಳಗೆ ಫರ್ಲಾಂಗುಗಟ್ಟಳೆ ಉದ್ದುದ್ದ ಕಾರಿಡಾರ್ಗಳಲ್ಲಿ ಹಾಗೊಮ್ಮೆ ಹೀಗೊಮ್ಮೆ ತಿರುಗುತ್ತ ,ಹಾಸಿದ ಸುಂದರ ಕಾರ್ಪೆಟ್ ಮೇಲೆ ನಡೆದು ರೂಮು ಸೇರಬೇಕು . ಆದರೆ ಇದು ತುಂಬಾನೇ ಚೆನ್ನಾಗಿರುವುದು , ಕಾಲಿನಲ್ಲಿ ಬಲವಿರಬೇಕಷ್ಟೆ . ಇಡೀ ಹಡಗಿನ ಪರಿಚಯ ಮಾಡಿಕೊಂಡು ಒಬ್ಬೊಬ್ಬರೇ ಓಡಾಡುವ ಹಂತಕ್ಕೆಬರಲು ಕನಿಷ್ಟ ಎರಡುದಿನವಾದರೂ ಬೇಕು .
ನಾರ್ವೇಒಡೆತನದ, ಈ ಹೆಸರುಹೊತ್ತ ವೈಭವೋಪೇತವಾದ , ಸುಸಜ್ಜಿತ ಹಡಗಿನ ರಚನೆ 2005ರಲ್ಲಿ ಪ್ರಾರಂಭವಾಗಿ ,ಮೊದಲಬಾರಿಗೆ 2006ರಲ್ಲಿ ಕಾರ್ಯ ಆರಂಭಿಸಿತು . ಈ ಹಡಗಿನ ಉದ್ದ 965 ಅಡಿ, ಅಗಲ 125 ಅಡಿ . ಇಲ್ಲಿರುವ ಡೆಕ್ಕುಗಳು ( ಅಂತಸ್ತು ) ಹದಿನೈದು . ಇದು 3000 ಮಂದಿ ಪ್ರವಾಸಿಗರು , 1100ರಷ್ಟು ಸಿಬ್ಬಂದಿವರ್ಗದವರನ್ನು ತನ್ನೊಳಗಿಟ್ಟುಕೊಂಡು ಪಯಣ ಪ್ರಾರಂಭಿಸುತ್ತದೆ . ಈ ಹಡಗಿನ ತೂಕ 93,502 ಟನ್ ಕೆ.ಜಿ. ಹಡಗುಗಳ ನಿಲ್ದಾಣವನ್ನು ಪೋರ್ಟ್ ಎಂದೂ, ಒಂದೊಂದೇ ಹಡಗುನಿಲ್ಲುವ ಪ್ರತ್ಯೇಕ ಸ್ಥಳವನ್ನು ಪಿಯರ್ ಎಂದೂ ಕರೆಯುತ್ತಾರೆ .
ಈ ಹಡಗುಗಳ ಪ್ರವೇಶವೂ ವಿಮಾನಪ್ರಯಾಣದಷ್ಟೇ ದೀರ್ಘ ನಿಯಮಗಳನ್ನು ಹೊಂದಿರುತ್ತದೆ . ಪೋರ್ಟ್ಗೆ ಬಂದಮೇಲೆ ನಾವು ನಮ್ಮ ಗುಂಪಿನ ಮ್ಯಾನೇಜರ್ ಜೊತೆ, ನಮ್ಮ ಲಗೇಜ್ಗಳಿಗೆ, ಅಲ್ಲಿ ಕೊಡುವ ಟ್ಯಾಗ್ಗಳನ್ನು ಹಾಕಿ ಅಲ್ಲಿಯ ಸಿಬ್ಬಂದಿಗೆ ಕೊಟ್ಟರೆ ಮುಗಿಯಿತು. ನಾವು ಫ್ರೀ . ಮುಂದೆ ಅವು ಸೇಫ್ ಆಗಿ ನಮಗೆ ಅಲಾಟ್ ಆಗಿರುವ ರೂಮಿಗೆ ನಾಲ್ಕೈದು ಗಂಟೆಯೊಳಗೆ ತಲುಪುತ್ತದೆ . ಈಗ ನಾವು ಉದ್ದುದ್ದದ ಎಸ್ಕಲೇಟರ್ಗಳನ್ನು ಕ್ಯೂನಲ್ಲಿ ಏರಿ ಪಾಸ್ಪೋರ್ಟ ತಪಾಸಣೆಗೆ ನಿಲ್ಲಬೇಕು . ಚೆಕ್ಇನ್ ಕಟ್ಟಳೆ ಮುಗಿದಮೇಲೆ ಪಾಸ್ಪೋರ್ಟ ಅವರ ಬಳಿಯಲ್ಲೇ ಇಟ್ಟುಕೊಂಡು ನಮಗೆ 'ನೇಮ್ಕಾರ್ಡ್' ಎಂಬ ಬೇರೊಂದು ಕಾರ್ಡ್ ಕೊಡುತ್ತಾರೆ . ಇದು ಬಹಳಮುಖ್ಯ ,ಕಳೆಯುವಂತಿಲ್ಲ . ಕಾರಣ , ಇದು ಐಡೆಂಟಿಟಿ ಕಾರ್ಡ್ , ರೂಮ್ ಕೀ ಕೂಡ ಆಗಿರುತ್ತದೆ . ಬೇರೆಬೇರೆ ಊರುಗಳಿಗೆ ನಮ್ಮ ಕರೆದೊಯ್ಯುವ ಹಡಗು ಪೋರ್ಟೊಂದರಲ್ಲಿ ಬೆಳಿಗ್ಗೆ ನಿಂತಾಗ , ಆ ಊರುನೋಡಲು ಹಡಗಿನಿಂದ
ಹೊರಬರಲು ಈ ಕಾರ್ಡ್ ಮೆಷಿನ್ನಿನಲ್ಲಿ ತೂರಿಸಿ ಅದು ಯಸ್ ಎಂದು ತೋರಿಸಿದಮೇಲೇ ಹೊರಬಿಡುತ್ತಾರೆ , ಹಾಗೇ ಒಳಗೆ ಬರುವಾಗ ಕೂಡ . ಇನ್ನು ಹಡಗಿನೊಳಗೆ ಯಾವುದೇ 'ಕ್ಯಾಶ್' ವ್ಯವಹಾರವಿಲ್ಲ . ಹಾಗಾಗಿ ಇಲ್ಲಿಯೇ ನಮಗೆ ಬೇಕೆನಿಸಿದಷ್ಟು ಹಣಕಟ್ಟಿ 'ಕ್ರೆಡಿಟ್ಕಾರ್ಡ್' ಕೊಳ್ಳಬೇಕು . ಒಳಗೆ ಏನೇ ಕೊಂಡರೂ ಈ ಕಾರ್ಡಿನಲ್ಲೇ ವ್ಯವಹರಿಸಬೇಕು . ಬೇರೆಬೇರೆ ಊರುಗಳಿಗೆ ನಮ್ಮ ಕರೆದೊಯ್ಯುವ ಹಡಗು ಪೋರ್ಟೊಂದರಲ್ಲಿ ಬೆಳಿಗ್ಗೆ ಆರೇಳು ಗಂಟೆಗೆ ಬಂದುನಿಂತಮೇಲೆ ನಾವು ನಮ್ಮ ಬೆಳಗಿನ 'ತರಹೇವಾರಿ ತಿಂಡಿ'ಗಳ ಔತಣಮುಗಿಸಿ , ಆ ಊರನ್ನು ನೋಡಲು ಹೊರಬರುತ್ತೇವೆ . ಎಲ್ಲೆಲ್ಲಿ ಬೇಕೋ ಅಲ್ಲೆಲ್ಲ ಸುತ್ತಾಡಿ ಸಂಜೆ ಐದುಗಂಟೆಯ ಒಳಗೆ ಹಡಗನ್ನೇರಬೇಕು . ಮತ್ತೆ ಆರುಗಂಟೆಯೋ ಅಥವಾ ಕೊಂಚ ಆಕಡೆ ಈಕಡೆಗೋ ಇದು ತನ್ನ ಮುಂದಿನ ಗುರಿಯತ್ತ ಪಯಣ ಪ್ರಾರಂಭಿಸುತ್ತದೆ .
ಇಲ್ಲಿ ಏನಿದೆ ಏನಿಲ್ಲ ಎಂದು ಕೇಳಿದರೆ 'ಇಲ್ಲ' ಎನ್ನುವುದು ಮಾತ್ರ ಇಲ್ಲವೇಇಲ್ಲ . ಸಾವಿರಾರು ರೂಮುಗಳು, ಅತಿ ವಿಶಾಲವಾದ ರಿಸೆಪ್ಷನ್ ಡೆಸ್ಕ್, ಲಾಂಜ್ ಬಾರ್, ಹನ್ನೆರಡು ರೆಸ್ಟೊರಾಂಟ್ಗಳು , ಹದಿನಾಲ್ಕು ಬಾರ್ಗಳು , ಬಾಸ್ಕೆಟ್ ಬಾಲ್-ವಾಲಿಬಾಲ್- ರಾಕ್ ಕ್ಲೈಂಬಿಂಗ್ ಆಟಗಳ ಕೋರ್ಟುಗಳು, ಫಿಟ್ನೆಸ್ಸೆಂಟರ್ , ಜಾಗಿಂಗ್ ಟ್ರಾಕ್ , ಮಕ್ಕಳಿಗೆ,ದೊಡ್ಡವರಿಗೆ ಪ್ರತ್ಯೇಕ ಸ್ವಿಮ್ಮಿಂಗ್ ಪೂಲ್ , ಬ್ಯೂಟಿಪಾರ್ಲರ್ , ಯೋಗ , ಏರೋಬಿಕ್ಸ್ , ಕ್ಯಾಸಿನೊ , ಟೀನ್ ಸೆಂಟರ್, ಕಿಡ್ ಸೆಂಟರ್ , ಸುಸಜ್ಜಿತ ಲೈಬ್ರರಿ , ಬೌಲಿಂಗ್ ಕ್ಲಬ್ , ಥಿಯೇಟರ್ ಗಳು ಅಬ್ಬಬ್ಬಾ! ಹೇಳಹೊರಟರೆ ಮುಗಿಯುವುದೇ ಇಲ್ಲ ಪಟ್ಟಿ .
ಇಲ್ಲಿ ನಾವು ಉಳಿದುಕೊಳ್ಳುವ ರೂಮುಗಳಂತೂ ಸಖತ್ ಮಜವಾಗಿರುವುದು . ಕಾಸಿಗೆ ತಕ್ಕಂತೆ ಗಾರ್ಡನ್ವಿಲಾ , ಡೀಲಕ್ಸ್ ಸೂಟ್ , ಓಷನ್ ವ್ಯೂ , ಬಾಲ್ಕನಿಸೂಟ್ , ಸ್ಟೇಟ್ ರೂಮ್ ಹೀಗೆ ವೈವಿಧ್ಯದ ರೂಮುಗಳು ಲಭ್ಯವಿವೆ . ಹೆಚ್ಚುದರದ ರೂಮುಗಳು ವಿಶಾಲವಾಗಿದ್ದು ಬಾಲ್ಕನಿ ಅಥವಾ ಗಾಜಿನ ಕಿಟಿಕಿ ಇದ್ದು ಹೊರಗಿನ ಸಾಗರಸಂಭ್ರಮವನ್ನು ರೂಮಿನಲ್ಲಿ ಕುಳಿತು, ಮಲಗಿಯೂ ಎಂಜಾಯ್ ಮಾಡಬಹುದು . ಆದರೆ ಕಡಿಮೆದರದ ರೂಮುಗಳಿಗೆ ಈ ಸೌಲಭ್ಯವಿಲ್ಲ . ಈ ರೂಮುಗಳು ಎಂಟಡಿ ಅಗಲ ಹನ್ನೆರಡು ಅಡಿ ಉದ್ದವಿದ್ದು ಎರಡುಮಂಚ , ಬಟ್ಟೆಯಿಡುವ ಕಬೋರ್ಡ , ಪುಟ್ಟದಾದ ಬಾತ್ರೂಮು -ಟಾಯ್ಲೆಟ್ ಹೊಂದಿರುತ್ತದೆ. ಇಲ್ಲಿ ಕಿಟಿಕಿ ಇರುವುದಿಲ್ಲ . ಹೊರಗಿನ ಪ್ರಪಂಚದಿಂದ ಪೂರ್ತಿಬೇರೆಯಾದಂತೆ, ಒಂದುರೀತಿ ತಾಯಗರ್ಭದಲ್ಲಿ ಕುಳಿತ ಮಗುವಿನ ಸ್ಥಿತಿಯಂತೆ ಎನ್ನಬಹುದು . ಲೈಟು ಹಚ್ಚಿದರೆ ಮಾತ್ರ ಬೆಳಕು . ಆದರೆ ಇಷ್ಟು ಪುಟ್ಟರೂಮಿನಲ್ಲೂ ಎಲ್ಲ ಸೌಕರ್ಯವೂ ಲಭ್ಯ. ಇವು ಚಕ್ರವ್ಯೂಹದಂತೆ ರಚಿತವಾಗಿರುತ್ತವೆ . ಒಳಗೊಳಗೆ ಫರ್ಲಾಂಗುಗಟ್ಟಳೆ ಉದ್ದುದ್ದ ಕಾರಿಡಾರ್ಗಳಲ್ಲಿ ಹಾಗೊಮ್ಮೆ ಹೀಗೊಮ್ಮೆ ತಿರುಗುತ್ತ ,ಹಾಸಿದ ಸುಂದರ ಕಾರ್ಪೆಟ್ ಮೇಲೆ ನಡೆದು ರೂಮು ಸೇರಬೇಕು . ಆದರೆ ಇದು ತುಂಬಾನೇ ಚೆನ್ನಾಗಿರುವುದು , ಕಾಲಿನಲ್ಲಿ ಬಲವಿರಬೇಕಷ್ಟೆ . ಇಡೀ ಹಡಗಿನ ಪರಿಚಯ ಮಾಡಿಕೊಂಡು ಒಬ್ಬೊಬ್ಬರೇ ಓಡಾಡುವ ಹಂತಕ್ಕೆಬರಲು ಕನಿಷ್ಟ ಎರಡುದಿನವಾದರೂ ಬೇಕು .
ಇಲ್ಲಿ ಹದಿನೈದು ಅಂತಸ್ತುಗಳಿವೆ -ಡೆಕ್- ಎಂದು ಈ ಹಿಂದೆ ಹೇಳಿರುವೆ . ಪ್ರತಿ ಡೆಕ್ನಲ್ಲೂ (ಐದನೇ ಡೆಕ್ ನಿಂದ ) ರೂಮುಗಳಲ್ಲದೆ ಎಲ್ಲಡೆಕ್ಗಳಿಗೂ ಹೋಗಲು ನಾಲ್ಕು ದೊಡ್ಡದೊಡ್ಡ ಲಿಫ್ಟ್ ಗಳು, ಸ್ಟೇರ್ಕೇಸ್ಗಳು ಸುಸಜ್ಜಿತ ರೆಸ್ಟ್ ರೂಮು (ಟಾಯ್ಲೆಟ್) ಗಳು ಹಡಗಿನ ಎರಡೂ ಬದಿಯಲ್ಲಿ ಇರುತ್ತವೆ . ಕೆಲವು ಡೆಕ್ಗಳು ಲಾಂಜ್, ರೆಸ್ಟೊರಾಂಟ್, ಬಾರ್, ಥಿಯೇಟರ್, ಜಿಮ್, ಪೂಲ್ ಇತ್ಯಾದಿಗಳಿಗೇ ಮೀಸಲಾಗಿರುತ್ತದೆ. ಟಾಪ್ಡೆಕ್ನಲ್ಲಿ ದೊಡ್ಡದಾದ ಸ್ವಿಮ್ಮಿಂಗ್ಪೂಲ್, ಅದರಾಚೆ ಸುತ್ತಮುತ್ತ ಅಡ್ಡಾಡಿ ಹಡಗುಸಾಗುವ ವೈಭವ , ಸಾಗರದ ಮೇರೆಕಾಣದ ಜಲರಾಶಿ ಸೌಂದರ್ಯ ಸವಿಯಲು ಹೇರಳ ಸುಸಜ್ಜಿತವ್ಯವಸ್ಥೆಗಳಿವೆ. ಮೋಡಮುಚ್ಚದಿದ್ದರೆ ಸೂರ್ಯೋದಯ, ಸೂರ್ಯಾಸ್ತದ ರಂಗಿನ ಬೆಡಗನ್ನು ಮನಸಾರೆ ಅನುಭವಿಸಬಹುದು . ಇನ್ನು, ನಾವು ನಮ್ಮ ರೂಮಿನಲ್ಲಿಯೇ ಕುಳಿತು , ಮಲಗಿ , ತಿಂದು ಕುಡಿದು ಮಾಡಬೇಕೆನ್ನುವ ಯಾವ ನಿಯಮವೂಇಲ್ಲ . ನೀವು ಇಂತಿಷ್ಟು ಹಣ ಪಾವತಿಸಿ ಒಮ್ಮೆ ಹಡಗುಹೊಕ್ಕಮೇಲೆ ಇಡೀ ಹಡಗು ನಿಮ್ಮದೇ . ಅಂದರೆ ನೂರಾರು ಅಡಿ ಉದ್ದದ ಓಪನ್ಡೆಕ್ನಲ್ಲಿರುವ ಆರಾಮಸೋಫಾಗಳು , ಲಾಂಜ್ , ಕ್ಲಬ್ , ಕಾರಿಡಾರ್ ಒಟ್ಟಿನಲ್ಲಿ ಎಲ್ಲೇಇರುವ ಕುಷನ್ ಸೋಫಾಗಳಲ್ಲಿ ನೀವು ಕುಳಿತು,ಮಲಗಿ , ಹರಟೆ, ಓದುವುದು , ತಿನ್ನುವುದು , ಏನಾದರೂಮಾಡಿ, ಯಾರೂ ಪ್ರಶ್ನಿಸುವುದಿಲ್ಲ . ಐದರಿಂದ ಮೇಲಿನ ಯಾವುದೇ ಡೆಕ್ಕಿಗೂ ಯಾವಸಮಯದಲ್ಲಿ ಬೇಕಾದರೂ ಹೋಗಿ ಓಡಾಡಿ , ಎಲ್ಲವೂ ನಿಮ್ಮದೇ ಜಾಗ . ಒಮ್ಮೆನಿಮ್ಮ ರೂಮಿನಿಂದ ಹೊರಬಂದರೆ ಮತ್ತೆ ಯಾವ ಕಾರಣಕ್ಕೂ ನೀವಲ್ಲಿ ಹೋಗುವ ಪ್ರಮೇಯವೇ ಬರುವುದಿಲ್ಲ . ತಿನ್ನಲು , ವಿಶ್ರಮಿಸಲು , ಫ್ರೆಶ್ ಆಗಲು , ಟಾಯ್ಲೆಟ್ ಉಪಯೋಗಿಸಲು ಯಾವ ಡೆಕ್ಕನ್ನಾದರೂ ಬಳಸಿಕೊಳ್ಳಬಹುದು . ಯಾವುದೇ ಥಿಯೇಟರ್, ಆಡಿಟೋರಿಯಮ್ , ಕ್ಲಬ್ಗಳಲ್ಲಿ ಸಿನಿಮಾ, ಮನರಂಜನೆ , ಲೆಕ್ಚರ್ ಗಳನ್ನು ಯಾವುದೇ ಹೊಸಖರ್ಚಿಲ್ಲದೆ ನೋಡಬಹುದು . ಇನ್ನು ತಿನ್ನಲಂತೂ ನಿಮ್ಮ ಹೊಟ್ಟೆಯಮಿತಿ, ಆರೋಗ್ಯಮಿತಿ ಈ ಎರಡೇ ಕಟ್ಟುಪಾಡು . ಯಾವ ರೆಸ್ಟೋರಾಂಟಿಗೆ ಯಾವ ಸಮಯದಲ್ಲಿ ಬೇಕಾದರೂ ಹೋಗಿ ಏನು ಬೇಕಾದರೂ ತಿನ್ನಿ. ಪ್ರಶ್ನಿಸುವವರು ಯಾರೂ ಇರುವುದಿಲ್ಲ .
ಇನ್ನು ಮನರಂಜನೆಯ ವಿಷಯಕ್ಕೆ ಬಂದರೆ ನಾವಿಷ್ಟುಕಾಲ ಕಾಣದ ಎಲ್ಲ ವೈವಿಧ್ಯವನ್ನೂ ಈ ಸಾಗರಮಡಿಲಿನ ಐಷಾರಾಮಿಪಟ್ಟಣದಲ್ಲೇ ಕಾಣಬಹುದು . ಸಿನೆಮಾ, ಹಾಡು , ನೃತ್ಯ, ಆಟ, ಕಲಾಪ್ರದರ್ಶನ , ಸೆಮಿನಾರ್, ಲೆಕ್ಚರ್, ಎಲ್ಲವೂ ಇದೆ . ಆದರೆ ಎಲ್ಲವೂ ಅಂತರ್ರಾಷ್ಟ್ರೀಯಮಟ್ಟದ ಮನರಂಜನೆಗಳಾದ್ದರಿಂದ ಅವರಿಗೆ ಸಹಜವಾದ ರೀತಿಯ ಉನ್ಮತ್ತತೆ , ಬಿಚ್ಚುಡುಗೆಗಳು ಕೆಲವಲ್ಲಿ ಇದ್ದೇ ಇರುವುದು . ಮುಜುಗರಕ್ಕೆ ಇಲ್ಲಿ ಬರುವಾಗಲೇ ಗುಡ್ಬೈ ಹೇಳಿಬರುವ ಅನಿವಾರ್ಯತೆ ನಮ್ಮಂಥವರಿಗೆ . ಆದರೆ ಗುಣಮಟ್ಟದ ದೃಷ್ಟಿಯಲ್ಲಿ ಇವು ನಿಜಕ್ಕೂ ಗ್ರೇಟ್ . ಇಲ್ಲಿ ಐಷಾರಾಮಿಯಾಗಿ, ಯಾವುದೇಕಟ್ಟುಪಾಡಿಲ್ಲದೆ ಕಾಲಕಳೆವ ಮನಃಸ್ಥಿತಿಯವರು ಸಾಕಷ್ಟುಮಂದಿ ಬರುವುದರಿಂದ ಎಲ್ಲಕಡೆ ಧಾರಾಳವಾಗಿ ತುಂಡುಡುಗೆಗಳ ವೀನಸ್ದೇವತೆಯಂಥ ಹೆಣ್ಣುಗಳು, ಸ್ವಿಮ್ಮಿಂಗ್ಪೂಲಿನಲ್ಲಿ ಕಾಲಕಳೆವ ಹೆಚ್ಚುಕಮ್ಮಿ ಹುಟ್ಟುಡುಗೆಯವರು ಕಂಡುಬರುತ್ತಾರೆ . ಹಾಗಿರುವುದು ಅವರ ಸಂಸ್ಕøತಿಯೂ ಹೌದಾದ್ದರಿಂದ, ನಾವೂ ಇದೆಲ್ಲ ಕಾಮನ್ ಎನ್ನುವಂತೆ ಕೆಲವೊಮ್ಮೆ ಕಣ್ಣುಮುಚ್ಚಿಯೇ ನಡೆಯಬೇಕು .
ಆಹಾರವೈವಿಧ್ಯದ ಕಾರ್ಖಾನೆ......
ನಿಜ, ಈ ವಿಷಯದಲ್ಲಿ ಇದೊಂದು ಕಾರ್ಖಾನೆಯೇ . ಪ್ರಪಂಚದಲ್ಲಿ ಕಾಣುವ ಎಲ್ಲ ವೈವಿಧ್ಯವನ್ನೂ ಇಲ್ಲಿ ಕಾಣಬಹುದು ಮಾತ್ರವಲ್ಲ, ಬಯಸಿದರೆ ಎಲ್ಲವನ್ನೂ ಸವಿಯುತ್ತ ಎಂಜಾಯ್ ಮಾಡಬಹುದು. ಬಂದಿರುವುದೇ ಎಂಜಾಯ್ಮೆಂಟಿಗೆ ತಾನೆ....!ಇನ್ನು ಮನರಂಜನೆಯ ವಿಷಯಕ್ಕೆ ಬಂದರೆ ನಾವಿಷ್ಟುಕಾಲ ಕಾಣದ ಎಲ್ಲ ವೈವಿಧ್ಯವನ್ನೂ ಈ ಸಾಗರಮಡಿಲಿನ ಐಷಾರಾಮಿಪಟ್ಟಣದಲ್ಲೇ ಕಾಣಬಹುದು . ಸಿನೆಮಾ, ಹಾಡು , ನೃತ್ಯ, ಆಟ, ಕಲಾಪ್ರದರ್ಶನ , ಸೆಮಿನಾರ್, ಲೆಕ್ಚರ್, ಎಲ್ಲವೂ ಇದೆ . ಆದರೆ ಎಲ್ಲವೂ ಅಂತರ್ರಾಷ್ಟ್ರೀಯಮಟ್ಟದ ಮನರಂಜನೆಗಳಾದ್ದರಿಂದ ಅವರಿಗೆ ಸಹಜವಾದ ರೀತಿಯ ಉನ್ಮತ್ತತೆ , ಬಿಚ್ಚುಡುಗೆಗಳು ಕೆಲವಲ್ಲಿ ಇದ್ದೇ ಇರುವುದು . ಮುಜುಗರಕ್ಕೆ ಇಲ್ಲಿ ಬರುವಾಗಲೇ ಗುಡ್ಬೈ ಹೇಳಿಬರುವ ಅನಿವಾರ್ಯತೆ ನಮ್ಮಂಥವರಿಗೆ . ಆದರೆ ಗುಣಮಟ್ಟದ ದೃಷ್ಟಿಯಲ್ಲಿ ಇವು ನಿಜಕ್ಕೂ ಗ್ರೇಟ್ . ಇಲ್ಲಿ ಐಷಾರಾಮಿಯಾಗಿ, ಯಾವುದೇಕಟ್ಟುಪಾಡಿಲ್ಲದೆ ಕಾಲಕಳೆವ ಮನಃಸ್ಥಿತಿಯವರು ಸಾಕಷ್ಟುಮಂದಿ ಬರುವುದರಿಂದ ಎಲ್ಲಕಡೆ ಧಾರಾಳವಾಗಿ ತುಂಡುಡುಗೆಗಳ ವೀನಸ್ದೇವತೆಯಂಥ ಹೆಣ್ಣುಗಳು, ಸ್ವಿಮ್ಮಿಂಗ್ಪೂಲಿನಲ್ಲಿ ಕಾಲಕಳೆವ ಹೆಚ್ಚುಕಮ್ಮಿ ಹುಟ್ಟುಡುಗೆಯವರು ಕಂಡುಬರುತ್ತಾರೆ . ಹಾಗಿರುವುದು ಅವರ ಸಂಸ್ಕøತಿಯೂ ಹೌದಾದ್ದರಿಂದ, ನಾವೂ ಇದೆಲ್ಲ ಕಾಮನ್ ಎನ್ನುವಂತೆ ಕೆಲವೊಮ್ಮೆ ಕಣ್ಣುಮುಚ್ಚಿಯೇ ನಡೆಯಬೇಕು .
ಆಹಾರವೈವಿಧ್ಯದ ಕಾರ್ಖಾನೆ......
ಈ ಕಾರ್ಖಾನೆ ಬಹುಷಃ ಮುಚ್ಚಿದ್ದೇ ನಾನುನೋಡಲಿಲ್ಲ . ಕೆಲವು ರೆಸ್ಟೊರಾಂಟ್ಗಳು ಮಧ್ಯರಾತ್ರಿಯ ನಂತರ ಒಂದೆರಡುಮೂರು ಗಂಟೆ ಮುಚ್ಚಬಹುದು , ಆದರೆ , ಹೊರಗಡೆ ಎಲ್ಲಡೆಕ್ಕಿನ ಎಲ್ಲಕಡೆ ಕಂಡುಬರುವ ಕಾಫಿ, ಟೀ , ಜೂಸ್ ಇತ್ಯಾದಿಕೌಂಟರ್ಗಳಿಗೆ ಬಂದ್ ಪ್ರಶ್ನೆಯೇ ಇಲ್ಲ . ಇವು ದಿನದ ಇಪ್ಪತ್ನಾಲ್ಕು ಗಂಟೆಯೂ ತೆರೆದಿರುತ್ತೆ . ಆಧುನಿಕವಾಗಿ ಅಳವಡಿಸಿರುವ ಕಾಫಿಮೇಕರ್ಗಳ ಗುಂಡಿ ಅದುಮಿದರೆ ಡಿಕಾಕ್ಷನ್ ಕಪ್ಗೆ ಬೀಳುತ್ತದೆ . ಟೀ ಬೇಕಾದರೆ ಇನ್ನೊಂದು ಬಾಕ್ಸ್ ನ ಗುಂಡಿ ಅದುಮಿದರೆ ಕುದಿವನೀರು ಬೀಳುತ್ತದೆ . ಕೆಳಗೆ ಟ್ರೇಗಳಲ್ಲಿರುವ ಸಕ್ಕರೆ , ಡಿಪ್ಟೀ , ಜಗ್ನಲ್ಲಿರುವ ಬಿಸಿಹಾಲು ಹಾಕಿ ಅಲ್ಲಿಯೇ ಇಟ್ಟ ಕಡ್ಡಿ ತೆಗೆದು ಕಲಕಿದರೆ ಪಾನೀಯ ರೆಡಿ . ಹಾಗೇ ಹತ್ತಾರು ಬಾಕ್ಸ್ ಗಳಲ್ಲಿ ವಿಧವಿಧ ಜೂಸ್ ರೆಡಿ ಇರುವುದು . ಇಲ್ಲ , ಕುಡಿಯಲು ಹಾಲುಬೇಕೆ...? ಕೇಳಿದರೆ ಸಾಕಷ್ಟುದೊಡ್ಡ ಪಿಂಗಾಣಿ ಜಗ್ಗಿನಲ್ಲಿ ಬಿಸಿಬಿಸಿ ಹಾಲು ತಂದುಕೊಡುತ್ತಾರೆ . ಈಗಮಾತ್ರ ಅಲ್ಲ , ನೀವು ಪ್ರತಿಬಾರಿ ಟೇಬಲ್ ಮುಂದೆಕೂತಾಗಲೂ 'ವಾಂಟ್ ಮಿಲ್ಕ್ '? ಎಂದು ಕೇಳುತ್ತ ಉಪಚರಿಸುತ್ತಾರೆ .ಇಲ್ಲಿನ ತರಹೇವಾರಿ ಹೋಟೆಲ್ಗಳಲ್ಲಿ ಪ್ರಪಂಚದ ಎಲ್ಲೆಡೆಯ ವೈವಿಧ್ಯವೂ ದೊರಕುವುದು .ಇಂಡಿಯಾದ ಚಪಾತಿ,ಪೂರಿ,ಉಪ್ಪಿಟ್ಟು ,ಇಡ್ಲಿ , ಪಲಾವ್, ಬದನೇಕಾಯಿ ಹುಳಿ, ಮಾವಿನುಪ್ಪಿನಕಾಯಿ ಇಂಥವೂ ಸಿಗುವುದು . ಕೆಲವೊಮ್ಮೆ ನಾವು ಇಂಥ ಪದಾರ್ಥ ಬೇಕೆಂದರೆ ಪ್ರಯತ್ನಿಸಿ ಮಾಡಿದ್ದೂ ಉಂಟು . ನಮ್ಮನ್ನು 'ಗೆಸ್ಟ್'ಗಳೆಂದೇ ಪರಿಗಣಿಸಿ ಉಪಚರಿಸಲು ಟೊಂಕಕಟ್ಟಿ ನಿಂತಿರುತ್ತಾರೆ . ಆದರೆ ನಮ್ಮಕೆಲವು ಅಡಿಗೆಗಳ ರುಚಿಮಾತ್ರ ಕೇಳಬೇಡಿ . ಪಾಪ , ನಮ್ಮನ್ನು ತೃಪಿಪಡಿಸಬೇಕೆನ್ನುವ ಅವರ ಕಾಳಜಿಗೆ ಮಾತ್ರ ಬೆಲೆಕಟ್ಟಬೇಕು .
ಬೆಳಿಗ್ಗೆ ಐದುಗಂಟೆಗೆಲ್ಲಾ ಬೆಳಗಿನ ತಿಂಡಿ ರೆಡಿ . ಡೈನಿಂಗ್ಹಾಲಿಗೆ ಪ್ರವೇಶಿಸುವಾಗ ಸ್ವಾಗತಿಸುವ ಹುಡುಗಿ ಕೈಲೊಂದು ಬಾಟಲಿಹಿಡಿದು , 'ವೆಲ್ಕಮ್ ವೆಲ್ಕಮ್' ಹ್ಯಾಪಿ ಹ್ಯಾಪಿ ' ಎಂದು ರಾಗವಾಗಿ ಹೇಳುತ್ತ ನಗುನಗುತ್ತ ಕೈಗೆ 'ಹ್ಯಾಂಡ್ ಸ್ಯಾನಿಟೈಸರ್' ದ್ರವವೊಂದನ್ನು ಸ್ಪ್ರೇ ಮಾಡುತ್ತಾಳೆ . ಬೆಳಗಿಂದ ರಾತ್ರಿಯವರೆಗೂ ಅವಳದ್ದು ಇದೇ ಕೆಲಸ . ಪ್ರತಿಬಾರಿಯೂ ನಾವುಹೀಗೆ ಕೈತೊಳೆದೇ ಒಳಗೆ ಕಾಲಿಡಬೇಕು . 'ಶುಚಿತ್ವವೇ ದೇವರು' ತಾನೆ....? ಅತಿವಿಶಾಲವಾದ ಈ ಡೈನಿಂಗ್ ಹಾಲಿನಲ್ಲಿ ನಿಮಗೇನು ಬೇಕು .... ಅನೇಕತರಹ ಬ್ರೆಡ್, ಓಟ್ ಗಂಜಿ, ಕಾರ್ನ ಫ್ಲೇಕ್ಸ್, ಕುದಿವಹಾಲು , ಬೆಣ್ಣೆ ,ಜೇನು , ಪೂರಿ ಸಬ್ಜಿ, ಸಲಾಡ್ , ದೋಸೆ , ಕರಿದ,ಹೆಸರು ಗೊತ್ತಿಲ್ಲದ ತಿಂಡಿಗಳು, ಹೆಚ್ಚಿಟ್ಟ- ಇಡಿಯ -ಹತ್ತಾರುಬಗೆಯ ಹಣ್ಣುಗಳು, ಡೆಸರ್ಟಗಳು , ಜೂಸ್, ಐಸ್ ಕ್ರೀಮ್,ಕಾಫಿ ,ಟೀ, ತಿನ್ನುವವರಿಗೆ ಅನೇಕ ತರಹದ ಮಾಂಸಾಹಾರ, ಓಹ್.....ಪಟ್ಟಿಮಾಡಲು ಖಂಡಿತಾ ಸಾಧ್ಯವಿಲ್ಲ . ಬಿಸಿನೀರಲ್ಲಿ ಶುಚಿಯಾಗಿ ಜೋಡಿಸಿಟ್ಟ ಪಿಂಗಾಣಿತಟ್ಟೆ ತುಂಬಾ ಏನನ್ನುಬೇಕಾಧರೂ, ಎಷ್ಟು ಬೇಕಾದರೂ ತುಂಬಿಸಿ ಇದರಿಂದಾಚೆಯ ವೈಭವೋಪೇತವಾದ ಊಟದಜಾಗದಲ್ಲಿ ಅಂದವಾಗಿ ಜೋಡಿಸಿದ ಟೇಬಲ್ಲಿಗೊಯ್ದು ಕೂತರೆ , ಎದುರಿನ ಪೂರ್ತಿಗಾಜಿನ ಕಿಟಿಕಿಯಿಂದ ಕಾಣುವ ಸಮುದ್ರದ ಅಲೆಗಳ ಏರಿಳಿತ ನೋಡುತ್ತ ತಿನ್ನುವ ಮಜವೇ ಬೇರೆ. ಇಲ್ಲಿ ಶುಭ್ರನ್ಯಾಪ್ಕಿನ್ಗಳು , ಚಮಚೆ , ಫೋರ್ಕುಎಲ್ಲ ನೀವು ಬಳಸಿಇಡುತ್ತಿದ್ದಂತೆ ಅದನ್ನು ತೆಗೆದು ಬೇರೆ ಶುಭ್ರವಾದದ್ದನ್ನು ತಂದಿಡುತ್ತಲೇ ಇರುತ್ತಾರೆ . ಹೆಚ್ಚಿನವರು ಇಲ್ಲಿ ತಿನ್ನುವ ವೈಖರಿ ನೋಡಬೇಕು , ಒಂದೊಂದಕ್ಕೂ ಒಂದೊಂದು ತಟ್ಟೆ ,ಚಮಚ, ನ್ಯಾಪ್ ಕಿನ್ ಬಳಸಿಬಳಸಿ ಇಡುತ್ತಾರೆ. ಬೇಸರವಿಲ್ಲದೆ ಎಲ್ಲ ಟೇಬಲ್ಗಳ ಗಮನಿಸುತ್ತ ಶುಚಿಮಾಡುತ್ತಾರೆ ಈ ಸಿಬ್ಬಂದಿ . ಜೊತೆಗೆ ನಗುನಗುತ್ತ ಮಾತನಾಡಿಸಿ 'ಏನಾದರೂ ಬೇಕೆ' ಎನ್ನುತ್ತ , ಬೇಕಾದರೆ ತಂದುಕೊಡುವ ಅವರಸೇವೆ ನಿಜಕ್ಕೂ ನಮ್ಮನ್ನು ದಂಗುಬಡಿಸುತ್ತೆ . (ಆದರೆ , ಇದೆಲ್ಲಕ್ಕೂ ದುಡ್ಡುಪೀಕಿದ್ದು ನಾವೇ. ಇರಲಿ,) ಹೀಗೆ ಆರಂಭವಾದ ಈ ಕಾರ್ಯಾಗಾರ ರಾತ್ರಿ ಹನ್ನೆರಡರವರೆಗೂ, ಇಂಥ ವೈವಿಧ್ಯಗಳ ಜೊತೆ ಅನ್ನ.ಸಾಂಬಾರು ,ಪಲಾವ್ , ನೂರಾರು ತರಹದ ಸ್ವೀಟುಗಳು, ಇನ್ನೂ ನೂರಾರು ತರಹದ ನಮಗೆ ಪರಿಚಯವಿರದ ಮನಕೆರಳಿಸುವ ಆಹಾರಪದಾರ್ಥಗಳ ಅಕ್ಷಯಪಾತ್ರೆಯಾಗಿ ಪ್ರವಾಸಿಗರನ್ನು ಹಿಂಡುಹಿಂಡಾಗಿ ಸೆಳೆಯುತ್ತಲೇ ಇರುತ್ತದೆ . ಇಲ್ಲಿಯ ಸಿಬ್ಬಂದಿಯಲ್ಲಿ ಇಬ್ಬರು ಕನ್ನಡಿಗರೂ ಇದ್ದಿದ್ದು ವಿಶೇಷವಾಗಿತ್ತು .
ಕಚಗುಳಿಯಿಟ್ಟ ಅನುಭವಗಳು .
ಕಚಗುಳಿಯಿಟ್ಟ ಅನುಭವಗಳು .
ಅದೊಂದುಬೆಳಿಗ್ಗೆ ಹನ್ನೊಂದನೇಡೆಕ್ಕಿನ 'ಫಿಟ್ನೆಸ್ ಸೆಂಟರ್' ಗೆ ಹೋಗಿ ಟ್ರೆಡ್ಮಿಲ್ಲಿನಲ್ಲಿ ವ್ಯಾಯಾಮ ಮಾಡುತ್ತಿದ್ದೆ . ಮೂವತ್ತಕ್ಕೂ ಹೆಚ್ಚಿನ ಮೆಷೀನುಗಳಿರುವ ಈ ಜಿಮ್ ಪೂರ್ತಿ ಗಾಜಿನ ಆವರಣ ಹೊಂದಿದೆ . ಎಲ್ಲವೂ ಸಾಗರಾಭಿಮುಖವಾಗಿರುವುದರಿಂದ ಇಲ್ಲಿನಿಂತು ಕಸರತ್ತು ಮಾಡುತ್ತಿದ್ದರೆ , ಹಡಗುಸಾಗುವ ವೇಗಕ್ಕೆ ಸಮುದ್ರದ ಹೊಯ್ದಾಟ , ಏರಿಳಿವ ಪುಟ್ಟದೊಡ್ಡ ಅಲೆಗಳ ವೈಯ್ಯಾರ , ಭೂಮಿಕಾಣದ, ನೀರುಆಗಸ ಸೇರುವ ದಿಗಂತದಂಚು , ಅಪಾರ ಜಲರಾಶಿ ಕಣ್ಣೆದುರು ಮಾಯಾಪ್ರಪಂಚವನ್ನೇ ಸೃಷ್ಟಿಸಿತ್ತು . ನಾನೂ ಕಸರತ್ತು ಮಾಡುತ್ತ ಈ ಮತ್ತಿನಲ್ಲಿ ಮೈಮರೆತಿರುವಾಗಲೇ ಹತ್ತಿರ ಬಂದಿದ್ದ ಅಲ್ಲಿಯ ಟ್ರೈನರ್. ಬಹಳ ವಿನಮ್ರತೆಯಿಂದ , 'ಮ್ಯಾಡಮ್ , ನೀವು ಸೀರೆ ಹಾಗೂ ಚಪ್ಪಲಿಧರಿಸಿ ಟ್ರೆಡ್ಮಿಲ್ವರ್ಕ್ ಮಾಡುವುದಕ್ಕೆ ಇಲ್ಲಿ ನಿಷೇದವಿದೆ . ಇದು ನಿಮ್ಮ ರಕ್ಷಣೆಗಾಗಿ ಮಾತ್ರ ' ಎಂದ . ನಿಜ, ವೇಗವಾಗಿ ಓಡುವ ಯಂತ್ರದಮೇಲೆ ಸೀರೆ , ಚಪ್ಪಲಿ ಸಿಕ್ಕಿಕೊಳ್ಳುವ ಸಾಧ್ಯತೆಯಿರುವುದು . ನಾನು ಇಳಿದೆ . "ಮ್ಯಾಮ್ ಸಾರಿ ' ಎಂದ. ಅವನ ಕಾಳಜಿ, ವಿನಯ ಬಹಳ ಇಷ್ಟವಾಯಿತು . ಸರಿ ಎಂದು ಓಪನ್ಡೆಕ್ಕಿಗೆ ಬಂದವಳೇ ಅಲ್ಲಿದ್ದ ಕಾಫಿಕೌಂಟರಿನಿಂದ ಕಾಫಿಬೆರೆಸಿಕೊಂಡು , ಕಾಲುಚಾಚುವ ಸೋಫಾದಲ್ಲಿ ಕುಳಿತೆ . ಸಾಗುವಹಡಗಿನ ವೇಗ , ಹಾದಿಕೊಡುವಂತೆ ಇಭ್ಭಾಗವಾಗುವ ನೀರು, ಮೇರೆಯಿಲ್ಲದ ಜಲರಾಶಿ, ಕೊಂಚ ಅಬ್ಬರದಲಿ ಬೀಸುವ ತಣ್ಣನೆಗಾಳಿ , ಕೈಲಿ ಬಿಸಿಬಿಸಿ ಆಹ್ಲಾದಕರವಾದ ಕಾಫೀ ಅಬ್ಬಾ.... ಜೊತೆಗೆ ಸೂರ್ಯ ಈಗಷ್ಟೇ ನಗುನಗುತ್ತಾ ಕಣ್ಣುತೆರೆದಿದ್ದರಿಂದ ಸಾಗರಕನ್ಯೆಯ ವೈಭವ ಇನ್ನೂ ಮೋಹಕವಾಗಿತ್ತು . ನೀರಮೇಲಣ ಎಳೆಯಕಿರಣಗಳಿಂದಾಗಿ ಅಲೆಗಳನ್ನು ಬೆಳ್ಳಿಯ ಮೀನುಗಳಂತೆ ,ಹೊನ್ನಿನ ಎಲೆಗಳಂತೆ ಫಳ್ಳೆಂದು ಮಿಂಚಿಸುತ್ತ ಮತ್ತೇರಿಸಿಯೇ ಬಿಟ್ಟಳು . ಓಹ್ , ಇದೆಂಥ ಮರುಳುಗೊಳಿಸುವ ಸೌಂದರ್ಯವೆಂದರೆ ...ನಾನು , ನೀರು , ಈ ಹಡಗು ಇದಿಷ್ಟೇ ಸತ್ಯವೆನ್ನಿಸಿಬಿಟ್ಟಿತು . ಈ ಕ್ಷಣ ಅಸೀಮ ಚೆಲುವಿನದಾಗಿತ್ತು ..............................
ಇಲ್ಲಿ ಏಳನೇಡೆಕ್ಕಿನ ರೆಸೆಪ್ಷನ್ ಜಾಗ ಇಡೀ ಹಡಗಿನ ಆಕರ್ಷಣೆಯಬಿಂದು . ನೆಲದಿಂದ ಛಾವಣಿಯ ಎತ್ತರ ಮೂರುನಾಲ್ಕು ಅಂತಸ್ತಿನಷ್ಟಿದ್ದು ಇಢೀಜಾಗ ಅತೀವೈಭವದಲ್ಲಿ ಅಲಂಕರಿಸಲಾಗಿದೆ . ಸಾಮಾನ್ಯವಾಗಿ ಪ್ರವಾಸಿಗರು ಇಲ್ಲಿ ಹರಟೆಹೊಡೆಯಲು , ಇಲ್ಲಿರುವ ಬೆಲೆಬಾಳುವ ಆಭರಣ , ಕಡಿಮೆಬೆಲೆಯ ಸೇಲ್ ನ ಒಡವೆಗಳು ,ವಾಚು , ಬ್ಯಾಗು ಇತ್ಯಾದಿ ವಸ್ತು ಗಳನ್ನು ಕೊಳ್ಳಲು ನೆರೆದಿರುತ್ತಾರೆ . ಇಲ್ಲಿ ಅತ್ಯಾಧುನಿಕ ತಂತ್ರಜ್ಞಾನದ ಫೋಟೋಗ್ರಾಫರ್ಗಳಿದ್ದು ಫೋಟೋತೆಗೆಸಿಕೊಳ್ಳುವವರ 'ಪೋಸ್ ' ನೋಡೋದೇ ಒಂದು ಟೈಮ್ ಪಾಸ್. ಇಲ್ಲಿಯೂ ಸಂಗೀತ , ಕುಶಲವಸ್ತುಗಳ ಮಾಡುವ ವಿಧಾನದ ಶೋಗಳಿರುತ್ತದೆ . ಗಾಜಿನಬಾಗಿಲು ತೆರೆದು ಹೊರನಡೆದರೆ ಓಪನ್ಡೆಕ್ಕಿನ ಫರ್ಲಾಂಗಿನುದ್ದದ ಕಾರಿಡಾರ್, ಕಣ್ಣೆದುರು ಹೊಯ್ದಾಡುವ ಸಾಗರ , ಅದರಾಚೆ ಅಲಾಸ್ಕಾದ ಹಿಮಪರ್ವತಗಳು , ಮಿಲಿಯಗಟ್ಟಳೆ ವರುಷಗಳಿಂದ ಹೆಪ್ಪುಗಟ್ಟಿನಿಂತ ಭಾರೀಗಾತ್ರದ ಗ್ಲೇಸಿಯರ್ಗಳು , ನಿಜಕ್ಕೂ ಅದ್ಭುತ , ಮನೋಹರದೃಶ್ಯಗಳನ್ನು ಅತೀ ಸಮೀಪದಲ್ಲೇ ಕಾಣುವಾಗ ನಾವು ಎಲ್ಲಿಯೋ ಕಳೆದುಹೋಗಿದ್ದಂತೂ ಸತ್ಯ .
ಒಂದುದಿನ, ಮಧ್ಯಾಹ್ನ ಊಟ ಮಾಡುತ್ತಿದ್ದಾಗ, ಈಗಾಗಲೇ ಪರಿಚಿತಳಾಗಿದ್ದ ಸ್ಟೂವರ್ಡ್, ರುಮೇನಿಯಾದ ಹುಡುಗಿ 'ಜೆಸೆಂತ' ಬಂದವಳೇ , 'ಈ ರಾತ್ರಿ ಹತ್ತುಗಂಟೆಯ ಒಳಗೆ ಡಿನ್ನರ್ ಮುಗಿಸಿ . ಕಾರಣ , ರಾತ್ರಿ ಚಾಕೋಲೇಟ್ ಪಾರ್ಟಿ ಇದೆ . ಅದಕ್ಕೆ ಹತ್ತರಿಂದ ಹನ್ನೊಂದು ಗಂಟೆಯವರೆಗೆ ಡೈನಿಂಗ್ಹಾಲ್ ಮುಚ್ಚುತ್ತಾರೆ . ನೀವು ಎಂದೂ ಕಂಡಿರದ ನೂರಾರು ತರಹದ ಚಾಕೋಲೇಟ್ ಕಾಣಲಿದ್ದೀರಿ ಮತ್ತು ಎಷ್ಟುಬೇಕಿದ್ದರೂ ತಿನ್ನಬಹುದು . ಸ್ಟಾಫ್ ಇಂದ ಹಾಡು ನೃತ್ಯಕೂಡ ಇರುವುದು' ಎಂದಳು . ಈಥರ ಹೊಟ್ಟೆಬಿರಿಯ ತಿಂದಮೇಲೆ ಯಾರಿಗಾದರೂ ಮತ್ತೆ ತಿನ್ನೋಕಾಗತ್ತಾ .. ಯಾರೂ ಬರಲಾರರು ಎಂದುಕೊಂಡೆ . ಆದರೂ, 'ತಿನ್ನದಿದ್ದರೇನಾಯ್ತು , ಹೇಗಿರುತ್ತೆ ಎನ್ನೋದನ್ನಾದರೂ ಕಣ್ಣಿಂದ ನೋಡೋಣವೆಂದು ಹನ್ನೊಂದುಗಂಟೆಗೆ ಹೋದರೆ ಓಹ್...ಲಿಫ್ಟಿನಿಂದ ಹೊರಬರಲು ಜಾಗವಿಲ್ಲದಷ್ಟು ಜನರ ಕ್ಯೂ, ಕಾರಿಡಾರ್ , ಮೆಟ್ಟಿಲಿಂದ ಹಾದು ಅದೆಷ್ಟೋ ದೂರದವರೆಗೂ ಇತ್ತು . ನಾವು ಸಾಲಿಗೆ ನಿಲ್ಲದೆ ದೂರದಲ್ಲಿ ನಿಂತೆವು ವೀಕ್ಷಕರಾಗಿ . ಸರಿಯಾಗಿ ಹನ್ನೊಂದಕ್ಕೆ ಬಾಗಿಲು ತೆರೆಯಿತು . 'ನಮ್ಮ ದೇಶದವರೇ ಅಶಿಸ್ತಿನವರು , ತಿನ್ನಲು ಹಾತೊರೆಯುವವರು ವಿದೇಶೀಯರು ಹಾಗಲ್ಲ ' ಎಂಬ ನಮ್ಮವರ ನಂಬಿಕೆಗೆ ವಿರುಧ್ಧವಾಗಿ ಅಲ್ಲಿ ನಿಂತಿದ್ದವರು , ಹಾಗೂ ಬಾಗಿಲು ತೆರೆಯುತ್ತಿದ್ದಂತೆ ಯದ್ವಾತದ್ವಾ ನುಗ್ಗಿದವರು ವಿದೇಶೀಯರೇ . ನಮ್ಮ ಮೇಲಿನ ದೂರು ಪೊಳ್ಳೆಂದು ಸಾಬೀತಾಗಿದ್ದಕ್ಕೆ ನನಗೆ ಖುಷಿಯಾಯಿತು . ಅಬ್ಬಾ ! ಅಲ್ಲಿದ್ದ ಚಾಕೋಲೇಟ್ ವೈವಿಧ್ಯ ಮಾತ್ರ ಹಿಂದೆ ಕಂಡಿಲ್ಲ ಮತ್ತೆ ಕಾಣುವುದೂ ಕಷ್ಟವೇನೋ . ಮೂರುನಾಲ್ಕು ತಟ್ಟೆಗಳಲ್ಲಿ ಪೇರಿಸಿ ಪೇರಿಸಿ ಕೊಂಡೊಯ್ಯುವವರ 'ಸ್ವೀಟ್ ಟೂತ್ ' ಬಗ್ಗೆ ಆಶ್ಚರ್ಯವೂ , ಅದರ ತಯ್ಯಾರಿಕೆ -ಕಲಾತ್ಮಕವಾಗಿ ಜೋಡಿಸಿರುವ ಆ ಸ್ಟಾಫ್ ನ ಶ್ರಮದಬಗ್ಗೆ ಖುಶಿಯೂ ಆಯಿತು . ಹಡಗಿನ ಮತ್ತೊಂದು ವಿಶಿಷ್ಟ ಮನರಂಜನಾ ಪಾರ್ಟಿ ಕಂಡ ಅನುಭವ ನನಗಾಗಿದ್ದಕ್ಕೆ ರೋಮಾಂಚನವೂ ಆಯಿತು .
ಮೊದಲು, ಈ ಯಾನಕ್ಕೆ ಹಡಗುಹತ್ತುವ ವೇಳೆ ಆ ವೈಭವದಲ್ಲಿ ಬೇರೇನೂ ಆಲೋಚನೆ ಕಾಡದಿದ್ದರೂ , ರಾತ್ರಿ ತಾಯಗರ್ಭಕ್ಕೆ ಮರಳಿದಂಥ ಆ ಒಳಗೊಳಗಿನ ರೂಮಿನಲ್ಲಿ ದೀಪಆರಿಸಿ ಮಲಗಿದಾಗ ಮತ್ತೆ 'ಟೈಟಾನಿಕ್ ' ಸಿನಿಮಾ ನೆನಪಾಯಿತು . ನಿಜಕ್ಕೂ ಇಲ್ಲಿಯ ಅನುಭವ ಹೇಗಿತ್ತು ನೋಡಿ .! ಹೊರಗೆ ಮನ ಹುಚ್ಚೆಬ್ಬಿಸಿದ್ದ ಸಾಗರದ ಅಲೆಗಳ ಹೊಯ್ದಾಟ ಈಗ ಯಾಕೋ ಭಯ ಹುಟ್ಟಿಸಿಬಿಟ್ಟಿತು. ಪೊಟ್ಟಣದಲ್ಲಿದ್ದಂತೆ ಇದ್ದರೂ ಹಡಗು ಸಾಗುವವೇಗ , ನೀರವ ರಾತ್ರಿಯಲ್ಲಿನ ನೀರಿನ ಮೊರೆತ , ಅಲೆಗಳ ಹೊಯ್ದಾಟ ಸ್ಪಷ್ಟವಾಗಿ ತಿಳಿಯುತ್ತಿತ್ತು . ಅಲೆಏರಿದಾಗ ಅದರೊಡನೆ ಹಡಗು ಏರುವುದು , ಅಲೆಕೆಳಬಂದಾಗ ಅದರೊಡನೆ ಹಡಗೂ ಕೆಳಗಿಳಿಯುವುದು . ಇದು ಸಹಜ . ಆದರೆ ಇಳಿಯುವಾಗಿನ ಅನುಭವ....! ಹಡಗು ನೀರಿನೊಳಗೆ , ಆಳಕ್ಕೆ , ಇನ್ನೂ ಆಳಕ್ಕೆ ಇಳಿಯುತ್ತಿರುವಂತೆ ... ಪೂರ್ತಿ ಸಾಗರಗರ್ಭಕ್ಕೇ ಇಳಿಯುವಂತೆ , ಮತ್ತೆ ಮೇಲೆ ಬರಲಾರದೇನೋ..
ಎಂಬಂತೆ ನಡುಕ ಹುಟ್ಟಿಸಿಬಿಟ್ಟಿತು. ನೀರುಜೀವಜಲ , ಆದರೆ ಮುನಿದರೆ....! ....ಹೌದೇ ಹೌದು, ಪ್ರಕೃತಿಯ ಮುಂದೆ ಮನುಜ ಹುಲ್ಲುಕಡ್ಡಿಯೇ ಸರಿ .
ಆದರೆ , ಈ ಭಯವೆಲ್ಲ ನಿರಾಧಾರ ಬಿಡಿ . ಈ ಪಯಣ ಅತ್ಯಧ್ಭುತ. ಮರೆಯಲಾರದ ರೋಮಾಂಚಿತ ಅನುಭವ . ನಾವುಕಳೆದ ಎಂಟುದಿನ , ಅಲ್ಲಿನ ವೈಭವ, ಅವರ ಉಪಚಾರ, {ನಮ್ಮಜೇಬು ಹಗುರ ಮಾಡಿಕೊಂಡರೆ ಮಾತ್ರ ) ನಮ್ಮ ಬದುಕಿನಹಾಳೆಯ ಮತ್ತೆಮತ್ತೆ ಮಗುಚಿಹಾಕುತ್ತಾ ಓದಬಹುದಾದ ಸುಂದರಪುಟಗಳು . ಭೂಮಿಯ ಸಂಪರ್ಕವೇ ಇರದ ನೀರಿನಮೇಲಿನ ಈ ಕೃತಕನಗರಿಯ ಅನುಭವ ಬದುಕಿನಲ್ಲಿ ಒಮ್ಮೆಯಾದರೂ ಸಂದರ್ಭಸಿಕ್ಕರೆ ಅನುಭವಿಸಬೇಕು . ಆದರೆ, ಇದು ಕೇವಲ ಒಂದು ಝಲಕ್ ಅಷ್ಟೇ . ತಂಬಿಗೆಯಲ್ಲಿ ತುಂಬಿ ಸಾಗರದ ನೀರು ಅಳೆಯಲಾದೀತೇ.......ಹಾಗೆ ಈಹಡಗಿನ ಅಧ್ಭುತಗಳ ಬಗ್ಗೆ ಪೂರ್ಣವಿಚಾರ ಬರೆಯುವ ತಾಕತ್ತೂ ನನ್ನದಲ್ಲ . ನನ್ನ ಅನುಭವಕ್ಕೆ ಸಿಕ್ಕಷ್ಟು ನಿಮಗೆ ....
ಇಷ್ಟೆಲ್ಲಾ ಹೇಳಿದಮೇಲೆ ಇನ್ನೊಂದು ಸತ್ಯವನ್ನೂ ಹೇಳಿಬಿಡುತ್ತೇನೆ . ಎಂಟನೇದಿನಕ್ಕೆ ಬೇಸರವಾಗಿದ್ದೂ ನಿಜ . ನೀರೇನೋ ನೋಡಿದಷ್ಟೂ ತಣಿಸುತ್ತದೆ , ಆದರೆ , ಅದೇ ಹಸಿಬಿಸಿ ಬಿಚ್ಚಾಟದ ದೃಶ್ಯ, ಅದೇ ನೂರಾರು ತರಹದ ಊಟತಿಂಡಿ , ಅದೇ ವೈಭವ , ತಿರುತಿರುಗಿ ಅಲ್ಲಲ್ಲೇ ಗುರಿಯಿಲ್ಲದ ಸುತ್ತಾಟ, ಕೆಲಸವಿಲ್ಲದೆ ಕಳೆಯುವಕಾಲ ಯಾಕೋ ನನ್ನೂರಿನ ಜನ , ಅನ್ನ- ಖಾರದ ಬೇಳೆಸಾರು ನೆನಪಾಯಿತು . ಹೌದು , ಎಲ್ಲೇ ಸುತ್ತಿದರೂ ಕೊನೆಗೆ 'ನಮ್ಮೂರೇ ಚಂದ ನಮ್ಮವ್ರೇ ಅಂದ , ಕನ್ನಡಭಾಷೆ ಕರ್ಣಾನಂದ ' ಎನ್ನೋದು ನಿಜವೇ ತಾನೇ.........ಈ ಪ್ರವಾಸಗಳು ಬದುಕಿನ ಏಕತಾನತೆಗೆ ಪರಿಣಾಮಕಾರಿ ಮದ್ದು . ದುಡ್ಡಿದ್ದರೆ ಅತ್ಯಗತ್ಯ . ನಾಲ್ಕುದಿನಕ್ಕೆ
ಚಂದವೋಚಂದ ಅಷ್ಟೆ .
* *
ಇಷ್ಟೆಲ್ಲಾ ಹೇಳಿದಮೇಲೆ ಇನ್ನೊಂದು ಸತ್ಯವನ್ನೂ ಹೇಳಿಬಿಡುತ್ತೇನೆ . ಎಂಟನೇದಿನಕ್ಕೆ ಬೇಸರವಾಗಿದ್ದೂ ನಿಜ . ನೀರೇನೋ ನೋಡಿದಷ್ಟೂ ತಣಿಸುತ್ತದೆ , ಆದರೆ , ಅದೇ ಹಸಿಬಿಸಿ ಬಿಚ್ಚಾಟದ ದೃಶ್ಯ, ಅದೇ ನೂರಾರು ತರಹದ ಊಟತಿಂಡಿ , ಅದೇ ವೈಭವ , ತಿರುತಿರುಗಿ ಅಲ್ಲಲ್ಲೇ ಗುರಿಯಿಲ್ಲದ ಸುತ್ತಾಟ, ಕೆಲಸವಿಲ್ಲದೆ ಕಳೆಯುವಕಾಲ ಯಾಕೋ ನನ್ನೂರಿನ ಜನ , ಅನ್ನ- ಖಾರದ ಬೇಳೆಸಾರು ನೆನಪಾಯಿತು . ಹೌದು , ಎಲ್ಲೇ ಸುತ್ತಿದರೂ ಕೊನೆಗೆ 'ನಮ್ಮೂರೇ ಚಂದ ನಮ್ಮವ್ರೇ ಅಂದ , ಕನ್ನಡಭಾಷೆ ಕರ್ಣಾನಂದ ' ಎನ್ನೋದು ನಿಜವೇ ತಾನೇ.........ಈ ಪ್ರವಾಸಗಳು ಬದುಕಿನ ಏಕತಾನತೆಗೆ ಪರಿಣಾಮಕಾರಿ ಮದ್ದು . ದುಡ್ಡಿದ್ದರೆ ಅತ್ಯಗತ್ಯ . ನಾಲ್ಕುದಿನಕ್ಕೆ
ಚಂದವೋಚಂದ ಅಷ್ಟೆ .
* *